6 leiðir

• Google Kort - Æringjar Keppni

Hjólaleiðin Æringjar er sérsniðin fyrir unga keppendur á aldrinum 12-16 ára. Þetta er tímatökuflokkur og verðlaun verða veitt fyrir 3 efstu í hverjum árgangi bæði í karla og kvenna flokki. Þessi tólf kílómetra hringur hefur í áraraðir verið fyrsti langi hjólatúr þeirra sem alist hafa upp á Selfossi og gengur undir nafninu Votmúlahringurinn.

Ræst er við Hótel Selfoss og hjólaði í austur í fylgd lögreglu í svokölluðu “soft starti”  í gegnum Selfoss. Leiðin liggur austur fyrir Bónus og þar er beygt af Austurvegi (Suðurlandsvegi) til hægri útúr hringtorginu við Bónus niður þjóðveg númer 33, Gaulverjabæjarveg. Eftir um það bil tvo og hálfan kílómeter áleiðis á Gaulverjabæjarvegi er aftur beygt til hægri inn á þjóðveg 310, Votmúlaveg, og hjólað í austur eftir Votmúlavegi  að þjóðvegi 34, Eyrarbakkavegi. Þar er beygt til hægri inn að Selfossi aftur. Rétt áður en komið er inn á Selfoss er lokamark keppninnar sem er rétt innan við Bjarkarveg. Lokatími keppenda er þannig tekinn eftir 10.5 km en endamark keppninnar er við Hótel Selfoss og nýja miðbæinn þar sem keppnin er einnig ræst. Eftir að tímatöku lýkur hjóla keppendur sum sé í rólegheitum frá endamarki að nýja miðbænum.

• Google Kort - Votmúlahringurinn

Votmúlahringurinn er leið sem er hugsuð fyrir alla fjöskylduna að hjóla saman og njóta en ekki þjóta.  Þessi tólf kílómetra hringur hefur í áraraðir verið fyrsti langi hjólatúr þeirra sem alist hafa upp á Selfossi.

Ræst er við Hótel Selfoss og hjólaði í austur í fylgd lögreglu í svokölluðu “soft starti”  í gegnum Selfoss. Leiðin liggur austur fyrir Bónus og þar er beygt af Austurvegi (Suðurlandsvegi) til hægri útúr hringtorginu við Bónus niður þjóðveg númer 33, Gaulverjabæjarveg. Eftir um það bil tvo og hálfan kílómeter áleiðis á Gaulverjabæjarvegi er aftur beygt til hægri inn á þjóðveg 310, Votmúlaveg, og hjólað í austur eftir Votmúlavegi  að þjóðvegi 34, Eyrarbakkavegi. Þar er beygt til hægri inn að Selfossi aftur. Rétt áður en komið er inn á Selfoss er lokamark keppninnar sem er rétt innan við Bjarkarveg. Eftir að hafa hjólað í gegnum endamarkið halda þátttakendur áfram að hjóla rólega í áttina að Hótel Selfoss og nýja miðbænum þar sem tekið verður á móti öllum og þátttöku medalíur veittar.

• Google Kort - Gaulverjar

Hentugt fyrir nýliða og reynslubolta í leit af léttri og skemmtilegri braut.
Ræst við Hótel Selfoss hjólað í austur í gegnum Selfoss og leið liggur austur fyrir Bónus. Þar er beygt til hægri af Austurvegi (Suðurlandsvegi) útúr hringtorginu við Bónus niður þjóðveg nr 33, Gaulverjabæjarveg. Þessa fyrstu metra er keppnin í soft-starti í fylgd lögreglu en keppnin hefst svo strax inn á Gaulverjabæjarvegi, þjóðvegi 33. Hjólað er um það bil 13 km á Gaulverjabæjarvegi niður að strönd. Þar tekur Gaulverjabæjarvegur afleiðandi hægri beygju og þaðan eru um 9km að Stokkseyri. Þar rennur keppnin fram hjá rjómabúinu við Baugstaði á vinstri hönd og þar rís Knarrarósviti við himinn. Tignarleg og skemmtileg kennileyti sem eiga sér mikla sögu.

Á Stokkseyri verður drykkjarstöð og partýpopp-upp. Þegar komið er í gegnum Stokkseyri tekur keppnin snarpa vinstri beygju af Gaulverjabæjarvegi inn á nýjan hjólreiðastíg sem er hluti af vitaleiðinni. Þaðan liggur leiðin í gegnum mýrarnar milli Stokkseyrar og Eyrarbakka sunnan við Litla Hraun og inn á Eyrarbakka. Keppnin kemur inn á Eyrarbakka á götu sem heitir Merkissteinsvellir og keppendur hjóla beint áfram í vestur. Gatan skiptir um nafn þegar innar er komið og nefnist Háeyrarvellir og á endanum Eyrargata. Þar liggur leið keppenda fram hjá Húsinu og Eyrarbakkakirkju og svæði sem tilheyrir Héraðssafni Árnesinga.

Við Eyrarbakkakirkju verður hvatningarstöð þar sem keppendum mun líða eins og þeir hafi hjólað til aldamótanna í kringum 1900. Þaðan fhjóla keppendur svo Eyrarbakka á enda. Þar tekur keppnin U-beygju með snarpri hægri beygju af Eyrargötu inn á Hafnarbú að Eyrarbakka vegi og þar taka keppendur aðra snarpa hægri beygju. Þaðan er hjólað eftir Eyrarbakkavegi um 8 km leið í átt að Selfossi.

Rétt áður en komið er inn á Selfoss er lokamark tímamælinga keppninnar sem er rétt innan við Bjarkarveg. Lokatími á keppendur er þannig tekinn þegar rúmlega kílómeter er að endamarki keppninnar sem er við Hótel Selfoss og nýja miðbæinn þar sem keppnin er ræst.

Keppnisbrautin er vel varin í gegnum Stokkseyri og Eyrarbakka af björgunarsveitum á staðnum. Gaulverjabæjarvegur er lokaður fyrir allri umferð nema forgangsakstri viðbragðsaðila á meðan keppnin stendur yfir. Sama á við um Eyrarbakkaveg. Það þýðir þó ekki að keppendur geti ekki átt von á einstaka bíl eða landbúnaðarvinnuvél í brautinni og ber því að hafa allan varan á.

• Google Kort - Flóaáveitan
• Strava Kort - Flóaáveitan
• GPX Skrá - Flóaáveitan

Samhjól fyrir vant hjólreiðafólk með skemmtun í huga.

Ræst við Hótel Selfoss hjólað í austur í gegnum Selfoss í lögreglufylgd eins og leið liggur austur fyrir Bónus. Þar er beygt til hægri af Austurvegi (Suðurlandsvegi) útúr hringtorginu við Bónus niður þjóðveg nr 33, Gaulverjabæjarveg. Þar sleppir lögreglan takinu á hjólurum. Hjólað er sem leið liggur niður Gaulverjaveg um láglendið niður að strönd um það bil 13 km. Þar tekur Gaulverjabæjarvegur afleiðandi hægri beygju og þaðan er um 9km að Stokkseyri. Það rennur hópurinn fram hjá rjómabúinu við Baugstaði á vinstri hönd og þar rís Knarrarósviti við himinn. Tignarleg og skemmtileg kennileyti sem eiga sér mikla sögu. Það verður drykkjarstöð og partýpopp-upp í miðri Stokkseyri. Þar má stoppa, slaka á og taka selfie eins og ekkert sé.

Þegar komið er í gegnum Stokkseyri tekur samhjólið snarpa vinstri beygju af Gaulverjabæjarvegi inn í nýjan hjólreiðastíg sem er hluti af vitaleiðinni. Þaðan liggur leiðin í gegnum mýrarnar milli Stokkseyrar og Eyrabakka sunnan við Litla Hraun og inn á Eyrarbakka. Keppnin kemur inn á Eyrarbakka á götu sem heitir Merkissteinsvellir. Á henni hjóla þátttakendur beint áfram í vestur en gatan skiptir um nafn þegar innar er komið og verður Háeyrarvellir og á endanum Eyrargata. Þar liggur leið þáttakenda fram hjá Húsinu og Eyrarbakkakirkju og svæði sem tilheyrir Héraðssafni Árnesinga. Þar verður hvatningarstöð þar sem keppendum mun líða eins og þeir hafi hjólað til aldamótanna í kringum 1900.

Frá hvatningarstöðinni á Eyrarbakka hjóla þáttakendur Eyrarbakka á enda. Þar tekur keppnin U-beygju með snarpri hægri beygju af Eyrargötu inn á Hafnarbú að Eyrarbakka vegi þar sem keppnin tekur aðra snarpa hægri beygju. Þaðan er hjólað eftir Eyrarbakkavegi í átt að Selfossi. Rétt áður en komið er inn á Selfoss er lokamark tímamælinga keppninnar sem er rétt innan við Bjarkarveg. Lokatími á keppendur er þannig tekinn þegar rúmlega kílómeter er að endamarki keppninnar við Hótel Selfoss og nýja miðbæinn þar sem keppnin er ræst.

Brautin er vel varin í gegnum Stokkseyri og Eyrarbakka af björgunarsveitum á staðnum. Gaulverjabæjarvegur er lokaður fyrir allri umferð nema forgangsakstri viðbragðsaðila á meðan á hjólatúrnum stendur. Sama á við um Eyrarbakkaveg. Það þýðir þó ekki að hjólareiðafólk geti ekki átt von á einstaka bíl eða landbúnaðarvinnuvél í brautinni og ber því að hafa allan varann á.

• Google Kort - Villingar

Flott, hröð og tæknileg braut fyrir vana keppendur.

Ræst er við Hótel Selfoss, hjólað í austur í gegnum Selfoss, austur fyrir Bónus og í gegnum hringtorgið þar áfram í austur. Fram að hringtorginu er keppnin í soft-starti og í fylgd lögreglu. Eftir hringtorgið er keppnin ennþá í lögreglu fylgd en komin úr soft-formerkjum. Á þjóðvegi 1 er umferð stöðvuð á eftir keppninni en búast má við einhverri umferð á móti þó hún verði takmörkuð.

Eftir um það bil 8 km frá ræsingu er beygt af þjóðvegi númer 1 til hægri inn á Villingaholtsveg ( veg nr 304). Þar lýkur lögreglufylgd en Villingaholtsvegi (nr 304) er lokað fyrir allri annarri umferð nema forgangsakstri viðbragðsaðila. Þó er aldrei hægt að útiloka að einstaka ökutæki rati óvart inn á brautina og því verður hjólareiðafólk að vera viðbúið öllu. Leiðin liggur í gegnum Villingaholtin og meðfram Þjórsá þar sem álfar og huldufólk gæti hæglega skorist í leikinn og því vissara að virða þeirra reglur sem taka á allri umferð um svæðið. Þær eru einfaldar; gagnkvæm virðing, snyrtimennska og gleði.

Hjólað er um Villingaholtsveginn nokkuð beint niður að strandlínu. Rétt áður en vegurinn tekur aflíðandi hægri beygju í átt að Stokkseyri eða rétt um það bil 30 km inn í brautina tekur við um  7 km kafli þar sem malbik og þjappaður malarvegur skiptast á. Heildar malarkafli er tæplega 5 km en hann er mjög þjappaður og á að vera lítið um lausa möl í rásunum. Þetta getur þó verið áskorun fyrir keppendur og þarna mun skilja á milli kunnáttu keppenda og þeirra sem kunna síður á þessar aðstæður. Þegar keppnin er komin í gegnum þennan kafla tekur við nokkuð bein leið að gatnamótum Villingaholtsvegar og Gaulverjabæjarvegar. Þar er hjólað til hægri inná Gaulverjabæjarveg og þaðan er um 9 km að Stokkseyri. Á þeim kafla  rennur keppnin fram hjá rjómabúinu við Baugstaði á vinstri hönd og þar rís Knarrarósviti við himinn. Tignaleg og skemmtileg kennileyti sem eiga sér mikla sögu.

Það verður drykkjarstöð og partýpopp-upp í miðri Stokkseyri. Þegar komið er í gegnum Stokkseyri er hjólað áfram eftir þjóðveginum og EKKI farið inn á hjólreiðastíginn sem 43 km leiðin fer inn á – heldur beint áfram að gatnamótunum við Eyrarbakkaveg þar sem tekin er snörp hægri beygja og hjólað þaðan eftir Eyrarbakkavegi um 8 km leið í átt að Selfossi.

Rétt áður en komið er inn á Selfoss er lokamark tímamælinga keppninnar sem er rétt innan við Bjarkarveg. Lokatími á keppendur er þannig tekinn þegar rúmlega kílómeter er að endamark keppninnar við Hótel Selfoss og nýja miðbæinn þar sem keppnin er ræst.

Keppnisbrautin er vel varin í gegnum Stokkseyri af björgunarsveitinni á staðnum. Villingaholtsvegur og Gaulverjabæjarvegur eru lokaðir fyrir allri umferð nema forgangsakstri viðbragðsaðila á meðan keppnin stendur yfir. Sama á við um Eyrarbakkaveg. Þetta þýðir þó ekki að keppendur geti ekki átt von á einstaka bíl eða landbúnaðarvinnuvél í brautinni og ber því að hafa allan varan á.

• Google Kort - Flóabardaginn

Flóabardaginn er braut fyrir afrekskeppendur sem hafa talsverða reynslu af hjólakeppnum. Þetta er lengsta leiðin í KIA Gullhringnum og oft hápunktur hjólasportsins á Íslandi þar sem þau bestu etja kappi.

Ræst er við Hótel Selfoss, hjólað í austur í gegnum Selfoss, austur fyrir Bónus og í gegnum hringtorgið þar áfram í austur. Fram að hringtorginu er keppnin í soft-starti og í fylgd lögreglu. Eftir hringtorgið er keppnin ennþá í lögreglu fylgd en komin úr soft-formerkjum. Á þjóðvegi 1 er umferð stöðvuð á eftir keppninni en búast má við einhverri umferð á móti þó hún verði takmörkuð.

Eftir um það bil 8 km frá ræsingu er beygt af þjóðvegi númer 1 til hægri inn á Villingaholtsveg ( veg nr 304). Þar lýkur lögreglufylgd en Villingaholtsvegi (nr 304) er lokað fyrir allri annarri umferð nema forgangsakstri viðbragðsaðila. Þó er aldrei hægt að útiloka að einstaka ökutæki rati óvart inn á brautina og því verður hjólareiðafólk að vera viðbúið öllu. Leiðin liggur í gegnum Villingaholtin og meðfram Þjórsá þar sem álfar og huldufólk gæti hæglega skorist í leikinn og því vissara að virða þeirra reglur sem taka á allri umferð um svæðið. Þær eru einfaldar; gagnkvæm virðing, snyrtimennska og gleði.

Hjólað er um Villingaholtsveginn nokkuð beint niður að strandlínu. Rétt áður en vegurinn tekur aflíðandi hægri beygju í átt að Stokkseyri eða rétt um það bil 30 km inn í brautina tekur við um  7 km kafli þar sem malbik og þjappaður malarvegur skiptast á. Heildar malarkafli er tæplega 5 km en hann er mjög þjappaður og á að vera lítið um lausa möl í rásunum. Þetta getur þó verið áskorun fyrir keppendur og þarna mun skilja á milli kunnáttu keppenda og þeirra sem kunna síður á þessar aðstæður. Þegar keppnin er komin í gegnum þennan kafla tekur við nokkuð bein leið að gatnamótum Villingaholtsvegar og Gaulverjabæjarvegar. Þar er hjólað til hægri inná Gaulverjabæjarveg og þaðan er um 9 km að Stokkseyri. Á þeim kafla  rennur keppnin fram hjá rjómabúinu við Baugstaði á vinstri hönd og þar rís Knarrarósviti við himinn. Tignaleg og skemmtileg kennileyti sem eiga sér mikla sögu. Það verður drykkjarstöð og partýpopp-upp í miðri Stokkseyri.

Þegar komið er í gegnum Stokkseyri er hjólað áfram eftir þjóðveginum og EKKI farið inn á hjólreiðastíginn sem 43 km leiðin fer inn á – heldur beint áfram að gatnamótunum við Eyrarbakkaveg þar sem tekin er snörp hægri beygja og þaðan hjólað eftir Eyrarbakkavegi um 7 km leið í átt að Selfossi. Þá beygir keppnin aftur til hægri í austur eftir Votmúlavegi. Þannig er hjólað frá Eyrarbakkavegi, um það bil eftir 5 km, og til hægri inn á Gaulverjabæjarveg.

Hjólað er sem leið liggur niður Gaulverjabæjarveg um láglendið niður að strönd um það bil 13 km. Þar tekur Gaulverjabæjarvegur aflíðandi hægri beygju og þaðan eru um 9km að Stokkseyri. Þar ættu keppendur í Flóabardaganum að vera farnir að kannast við sig því þar eru þeir aftur komnir inn í sömu braut sem liggur aftur í gegnum Stokkseyri og að Eyrarbakkavegi. Þaðan fer keppnin á fullri ferð um lokaða braut að Selfossi í átt að loka markinu.

Rétt áður en komið er inn á Selfoss er lokamark tímamælinga keppninnar og er það staðsett rétt innan við Bjarkarveg. Lokatími á keppendur er þannig tekinn þegar rúmlega kílómeter er að endamarki keppninnar sem er við Hótel Selfoss og nýja miðbæinn þar sem keppnin er ræst.

Keppnisbrautin er vel varin í gegnum Stokkseyri af björgunarsveitinni á staðnum. Villingaholtsvegur og Gaulverjabæjarvegur eru lokaðir fyrir allri umferð nema forgangsakstri viðbragðsaðila á meðan keppnin stendur yfir. Sama á við um Eyrarbakkaveg. Þetta þýðir þó ekki að keppendur geti ekki átt von á einstaka bíl eða landbúnaðarvinnuvél í brautinni og ber því að hafa allan varan á.