Hlauptu í náttúru Íslands

Leiðarlýsing fyrir 5 km leiðina kemur á vefinn fljótlega.

Garmin Eldslóðin er utanvegahlaup í fallegri og stórbrotinni náttúru Íslands við borgarmörkin.

Hlaupið er frá Vífilsstöðum inn að Búrfellsgjá, þar upp að Helgafelli og aftur til baka að Vífilsstöðum.

Keppnisbrautin er hugsuð þannig að brautin sé áskorun fyrir lengra komna en um leið falleg og auðfarin, með minni hækkun en gengur og gerist í stóru utanvegahlaupunum. Um þrjár mismunandi brautir er að ræða og eru þær hannaðar til að bæði byrjendur og lengra komnir geti átt frábæran hlaupadag saman í Heiðmörkinni.

• Google Kort - Garmin Eldslóðin 10K
• Strava Kort - Garmin Eldslóðin 10K
• GPX Skrá - Garmin Eldslóðin 10K

Garmin Eldslóðin er ræst við Vífilsstaði.  Hlaupaleiðin liggur að Vífilsstaðavatni og síðan er hlaupið rangsælis við vatnið í austurátt.  Við enda vatnsins er farið upp nýjan Z-stíg sem liggur að malarveginum við Grunnavatn.  Malarvegurinn er beinn og breiður og hann er hlaupinn til enda að svo kölluðum línuvegi þar er tekin hægri beygja og stefnan tekin á Vífilsstaðahlíð.  Þá kemur hægri beygja inn á stíg sem liggur ofan á Vífilsstaðahlíðinni og er sá stígur hlaupinn að útsýnispallinum efst í hlíðinni.  Við útsýnispallinn er vinstri beygja á stíg sem liggur aftur út á línuveginn.  Þegar komið er aftur út á línuveginn er hlaupið til hægri og niður alla brekkuna að drykkjarstöð.  Þar fara 10 km hlauparar til hægri og stefna niður alla Vífilsstaðahlíðina í átt að Garðabæ, fara í gegnum bílaplanið neðst í hlíðinni og inn á stíg sem liggur til hægri að Vífilsstaðavatni.  Þegar komið er að neðra bílaplaninu við Vífilsstaðavatn liggur leiðin aftur að Vífilsstöðum.

10k: +160m / -160m
29k: +378m / -378m

• Google Kort - Garmin Eldslóðin 29K
• Strava Kort - Garmin Eldslóðin 29K
• Relive Kort - Garmin Eldslóðin 29K
• GPX Skrá - Garmin Eldslóðin 29K

Garmin Eldslóðin er ræst við Vífilsstaði.  Hlaupaleiðin liggur að Vífilsstaðavatni og síðan er hlaupið rangsælis við vatnið í austurátt.  Við enda vatnsins er farið upp nýjan Z-stíg sem liggur að malarveginum við Grunnavatn.  Malarvegurinn er beinn og breiður og hann er hlaupinn til enda að svo kölluðum línuvegi. Þar er tekin hægri beygja og stefnan tekin á Vífilsstaðahlíð.  Þá kemur hægri beygja inn á stíg sem liggur ofan á Vífilsstaðahlíðinni og er sá stígur hlaupinn að útsýnispallinum efst í hlíðinni.  Við útsýnispallinn er vinstri beygja á stíg sem liggur aftur út á línuveginn.  Þegar komið er aftur út á línuveginn er hlaupið til hægri og niður alla brekkuna að drykkjarstöð. Þar fara 29 km hlauparar til vinstri og í átt að Búrfellsgjá og hlaupa uppeftir að trétröppum sem liggja niður á stíginn sem leiðir þá upp í Búrfellsgjá. Þegar komið er að enda Búrfellsgjárinnar og upp að gígnum er hlaupið uppúr gjánni og tekin hægri beygja og farið fram hjá gígnum eftir nýjum stíg og þaðan í átt að Helgadal. Í Helgadal er tekin skörp vinstri beygja á slóða sem liggur uppeftir í átt að Helgafelli.  Þar er komið á drykkjarstöð og nú eru hlauparar komnir á slóðann sem liggur í kringum Helgafell.  Á drykkjarstöðinni fara hlauparar til vinstri og inn í Valaból og hlaupa síðan áfram allan hringinn í kringum Helgafell og koma síðan aftur á sömu drykkjarstöð að því loknu. Þá er farið niður í Helgadal og sama leið hlaupin tilbaka að Vífilsstöðum.

10k: +160m / -160m
29k: +378m / -378m