Votmúlahringurinn hentar fjölskyldunni

Í KIA Gullhringnum í ár er boðið upp á 12 km samhjóli. Brautin er leið sem Selfossbúar kalla Votmúlahringinn. Þessi leið verður oftast fyrir valinu þegar heimafólk leggur i fyrsta hjólatúrinn sinn út úr bænum. Votmúlahringurinn er frábær fjölskylduhringur. Hann er ræstur 10. júlí klukkan 18:10, eftir frábært upphitunar partý með Herra Hnetusmjör, BMX Brothers og fleirum á planinu við Hótel Selfoss. Þegar komið er í mark, fá allir þátttöku medalíu til minningar um áfangann og þá er öllum boðið í grill partý og drykki. Frábær skemmtun fyrir alla!

Ræst er í Votmúlahringinn við Hótel Selfoss og hjólað í austur í fylgd lögreglu í svokölluðu “soft starti”  í gegnum Selfoss. Leiðin liggur austur fyrir Bónus og þar er beygt af Austurvegi (Suðurlandsvegi) til hægri útúr hringtorginu við Bónus niður þjóðveg númer 33, Gaulverjabæjarveg. Eftir um það bil tvo og hálfan kílómeter áleiðis á Gaulverjabæjarvegi er aftur beygt til hægri inn á þjóðveg 310, Votmúlaveg, og hjólað í austur eftir Votmúlavegi  að þjóðvegi 34, Eyrarbakkavegi. Þar er beygt til hægri inn að Selfossi aftur. Rétt áður en komið er inn á Selfoss er lokamark keppninnar sem er rétt innan við Bjarkarveg. Eftir að hafa hjólað í gegnum endamarkið halda þátttakendur áfram að hjóla rólega í áttina að Hótel Selfoss og nýja miðbænum þar sem tekið verður á móti öllum og þátttöku medalíur veittar.

Skráning hér

Deildu þessari grein:

Nýjustu fréttirnar

23.06.2022

KIA Gull fært til 10. september

01.06.2022

Bein útsending frá Hengill Ultra keppninni

24.05.2022

Uppfærð dagskrá hjá Salomon Hengill Ultra Trail

24.05.2022

Danska landsliðið keppir í Hengil Ultra

Hafðu samband

© Víkingamótin 2020 - 2022
Website by: Gasfabrik