Reykjavík Trail er nýtt hlaup í Víkingamótunum sem sameinar það besta úr tveimur heimum. Á örfáum mínútum færist þú frá borgarlífinu yfir í fjölbreyttar göngu og hlaupaleiðir þar sem náttúra, útivist og hreyfing njóta sín til fulls. Leiðirnar liggja um Elliðaárdal, Rauðhóla og Heiðmörk, þrjú af vinsælustu útivistarsvæðum höfuðborgarsvæðisins.
Þar tekur við fjölbreytt landslag með skóglendi, stígum, hraunmyndunum og opnum svæðum sem bjóða upp á einstaka hlaupaupplifun í fallegu umhverfi. Í boði eru þrjár vegalengdir, 5 km, 15 km og 25 km, sem henta jafnt þeim sem vilja njóta útiverunnar á þægilegum hraða og þeim sem leita að meiri áskorun. Hvort sem markmiðið er að setja persónulegt met, prófa nýja vegalengd eða einfaldlega njóta hreyfingar í náttúrunni er Reykjavík Trail kjörið tækifæri.
Reykjavík Trail sýnir nýja hlið á Reykjavík þar sem náttúran er aldrei langt undan og ævintýrið hefst nánast við borgarmörkin.
Frá stuttri og aðgengilegri leið upp í krefjandi 25 km náttúruhlaup
Fjölbreytt og skemmtileg leið. Frábær áskorun fyrir vana hlaupara og þá sem vilja taka næsta skref.
25km
15. júlí kl 18:00
Skráningargjald: 13.990 kr
Tímataka
Verðlaun fyrir fyrstu sætin
Drykkjarstöð
Sama leið og 15 km og bætt við um 10 km hring í Heiðmörk.
Hin fullkomna millivegalengd – nógu löng til að vera alvöru áskorun en nógu stutt til að hægt sé að hlaupa af krafti frá upphafi til enda
15km
15. júlí kl 18:30
Skráningargjald: 9.990 kr
Tímataka
Verðlaun fyrir fyrstu sætin
Drykkjarstöð
Sama leið og 5 km og bætt við leið áfram upp Elliðaárdal og gegnum Norðlingaholt og hringur í Rauðhólum og til baka.
Stutt og skemmtileg leið sem hentar vel fyrir byrjendur, fjölskyldur og alla sem vilja njóta hreyfingar í fallegu umhverfi.
5km
15. júlí kl 18:40
Skráningargjald: 5.990 kr
Tímataka
Verðlaun fyrir fyrstu sætin
Drykkjarstöð
Hlaupið á malarstígum í Elliðaárdal, hlaupið á eyjunni og „Hatturinn“ fyrir neðan 111 Breiðholt.
