Gvöð hvað við erum gömul!
Á meðan við látum okkur hlakka til hjólasumarsins og allra keppnanna og svo að klára þetta á glæsilegum KIA Gullhring í lok ágúst þá eru hérna myndir úr fyrstu keppninni 1. september 2012. Hér eru nokkrar goðsagnir og allavega fjórir fyrrum sigurvegarar – sjáðu hvort þú þekkir þá
Kíktu á galleríið á Facebook hér
KIA Gullhringurinn er umfangsmesta og ein vinsælasta og skemmtilegasta hjólreiðakeppni landsins. Keppnin er haldin á Laugarvatni ár hvert og hjólað um margar þekktustu náttúruperlur Íslands um leið og hjólað er um þekktustu söguslóðir þjóðarinnar, Skálholt, Bræðratungu svo ekki sé nú minnst á Þingvelli.
Mottó KIA Gullhringsins er “Allir hjóla, allir vinna og allir velkomnir” og er hægt að velja sér vegalengd eftir getu hvers og eins úr þremur mismunandi keppnisstigum. Allt þekktasta hjólreiðafólk landsins hefur hjólað KIA Gullhringinn og það sem skemmtilegra er að nýliðar í sportinu hafa notað KIA Gullhringinn sem fyrstu keppnina sína og þannig formlega innkomu sína í sportið.
