Eldslóðin er nú „NOW Eldslóðin“
Nýr “name-spnsor” er kominn á Eldslóðina en IcePharma og Meðbyr undirrituðu samning í dag um það að NOW Vítamín verði aðal bakhjarl Eldslóðarinnar og heitir mótið frá og með deginum í dag NOW Eldslóðin.
Við hlökkum til samstarfs við NOW Vítamín og hlökkum að sjá ykkur öll í keppninni í ár!
Eldslóðin er utanvegahlaup í fallegri og stórbrotinni náttúru Íslands, við borgarmörk!
Hlaupið er frá Vífilstöðum í Garðabæ, meðfram Vífilstaðavatni, inn að Búrfellsgjá og þar upp að Helgafelli og aftur tilbaka a Vífilstöðum.
Keppnisbrautin er hugsuð þannig að um leið og hlaupið sé áskorun fyrir lengra komna, sé brautin um leið falleg og auðfarin, með minni hækkun en gengur og gerist í stóru utanvegahlaupunum. Þá eru líka hugsaðar tvær styttri keppnisbrautir með það að leiðarljósi að í lok sumars geti þetta verið skemmtilegt uppskeruhlaup þar sem byrjendur og lengra komnir geti átt frábæran dag saman í Heiðmörkinni.
Í ár verður í fyrsta sinn boðið upp á 100KM liðakeppni sem er skipt upp þannig að fjórir keppendur hlaupa 25KM hringinn og gildir samanlagður tími þeirra í liðakeppni en að sjálfsögðu virkar tíminn þeirra líka sem einstaklings tími.
Eins og í öllum hinum Víkingamótunum, verður lögð áhersla á öryggi, umgjörð og gleði.
