Komdu þér í form fyrir Hengil Ultra 2021 með Náttúruhlaupum
Við mælum með þessu magnaða prógrammi Náttúruhlaupum sem kemur ykkur í topp hlaupaform fyrir Hengil Ultra 2021. Kynningarkvöld Ultra prógram Náttúruhlaupa. Fjarfundarkynning á Zoom mánudagskvöldið 4. janúar kl. 19:30
Hlekkur á fund: https://us02web.zoom.us/j/89253975243…
Ultra prógramið er hlaupanámskeið fyrir vana hlaupara. Umsjón og þjálfun: Rúna Rut Ragnarsdóttir og Elísabet Margeirsdóttir. Hentar hlaupurum sem hafa góðan bakgrunn og reynslu af náttúruhlaupum. Hafa hlaupið reglulega (4-5 klst. á viku) og vanir lengri hlaupaæfingum (>1,5-2 klst.). Sniðið fyrir þá sem stefna á að keppa í lengri og krefjandi utanvegakeppnum á borð við Hengil Ultra 50/100km/100mílur, Mt. Esja Maraþon eða lengri hlaup erlendis.
Fyrri hluti Ultra prógramsins hefst 11. janúar með fjarþjálfunarsniði og sameiginlegar æfingar með þjálfara hefjast eftir 22. febrúar. Áhersla á að byggja upp sterkan grunn.
Seinni hluti Ultra prógramsins hefst eftir páska og lýkur 6. júní. Áhersla á sérhæfða þjálfun fyrir þitt markmið. Sameiginlegar æfingar verða á sunnudagsmorgnum og kl. 17:20 á miðvikudögum.
Nánari upplýsingar má finna á heimasíðu: https://natturuhlaup.is/ultra-program/Hlökkum til að hitta ykkur!Elísabet og Rúna Rut
