Hlauptu í náttúru Íslands

• Kort af leið - Eldslóðin 5K
• Relive Kort - Eldslóðin 5K

Garmin Eldslóðin er ræst við Vífilsstaði.  5km hlaupaleiðin liggur að Vífilsstaðavatni og síðan er hlaupið rangsælis við vatnið í austurátt.  Við enda vatnsins er farið upp Z-stíg, líkt og í 29k og 10k. Þar efst er tekin hægri beygja beint upp á hlíðina og hlaupinn þröngur stígur í hlíðinni tilbaka og að lokum niður að vatninu og aftur í markið við Vífilsstaði. Þessi hlaupaleið er fjölbreytt og krefjandi en umfram allt skemmtilegir 5km, og jafnvel rúmlega það.

• Kort af leið - Garmin Eldslóðin 10K
• Strava Kort - Garmin Eldslóðin 10K
• GPX Skrá - Garmin Eldslóðin 10K

Garmin Eldslóðin er ræst við Vífilsstaði.  Hlaupaleiðin liggur að Vífilsstaðavatni og síðan er hlaupið rangsælis við vatnið í austurátt.  Við enda vatnsins er farið upp nýjan Z-stíg sem liggur að malarveginum við Grunnavatn.  Malarvegurinn er beinn og breiður og hann er hlaupinn til enda að svo kölluðum línuvegi þar er tekin hægri beygja og stefnan tekin á Vífilsstaðahlíð.  Þá kemur hægri beygja inn á stíg sem liggur ofan á Vífilsstaðahlíðinni og er sá stígur hlaupinn að útsýnispallinum efst í hlíðinni.  Við útsýnispallinn er vinstri beygja á stíg sem liggur aftur út á línuveginn.  Þegar komið er aftur út á línuveginn er hlaupið til hægri og niður alla brekkuna að drykkjarstöð.  Þar fara 10 km hlauparar til hægri og stefna niður alla Vífilsstaðahlíðina í átt að Garðabæ, fara í gegnum bílaplanið neðst í hlíðinni og inn á stíg sem liggur til hægri að Vífilsstaðavatni.  Þegar komið er að neðra bílaplaninu við Vífilsstaðavatn liggur leiðin aftur að Vífilsstöðum.

10k: +160m / -160m
29k: +378m / -378m

Drykkjarstöð eftir 6km

• Kort af leið - Garmin Eldslóðin 29K
• Strava Kort - Garmin Eldslóðin 29K
• Relive Kort - Garmin Eldslóðin 29K
• GPX Skrá - Garmin Eldslóðin 29K

Garmin Eldslóðin er ræst við Vífilsstaði.  Hlaupaleiðin liggur að Vífilsstaðavatni og síðan er hlaupið rangsælis við vatnið í austurátt.  Við enda vatnsins er farið upp nýjan Z-stíg sem liggur að malarveginum við Grunnavatn.  Malarvegurinn er beinn og breiður og hann er hlaupinn til enda að svo kölluðum línuvegi. Þar er tekin hægri beygja og stefnan tekin á Vífilsstaðahlíð.  Þá kemur hægri beygja inn á stíg sem liggur ofan á Vífilsstaðahlíðinni og er sá stígur hlaupinn að útsýnispallinum efst í hlíðinni.  Við útsýnispallinn er vinstri beygja á stíg sem liggur aftur út á línuveginn.  Þegar komið er aftur út á línuveginn er hlaupið til hægri og niður alla brekkuna að drykkjarstöð. Þar fara 29 km hlauparar til vinstri og í átt að Búrfellsgjá og hlaupa uppeftir að trétröppum sem liggja niður á stíginn sem leiðir þá upp í Búrfellsgjá. Þegar komið er að enda Búrfellsgjárinnar og upp að gígnum er hlaupið uppúr gjánni og tekin hægri beygja og farið fram hjá gígnum eftir nýjum stíg og þaðan í átt að Helgadal. Í Helgadal er tekin skörp vinstri beygja á slóða sem liggur uppeftir í átt að Helgafelli.  Þar er komið á drykkjarstöð og nú eru hlauparar komnir á slóðann sem liggur í kringum Helgafell.  Á drykkjarstöðinni fara hlauparar til vinstri og inn í Valaból og hlaupa síðan áfram allan hringinn í kringum Helgafell og koma síðan aftur á sömu drykkjarstöð að því loknu. Þá er farið niður í Helgadal og sama leið hlaupin tilbaka að Vífilsstöðum.

10k: +160m / -160m
29k: +378m / -378m

Drykkjarstöð eftir 6km
Önnur drykkjarstöð áður en hlaupið er í kringum Helgafell og hægt er að nýta sér hana í baka leiðinni líka