Hengill Ultra Umgjörð

Heilmargt í boði

Í íþróttahúsinu í Hveragerði er skiptiaðstaða fyrir hlaupara í 106K hlaupi og aðstaða til að geyma tösku. Þeir hlauparar hafa einnig aðgang að sjúkranuddara eftir keppni. Hjúkrunarfræðingur athugar heilsu keppenda í þessum vegalengdum eftir hlaup.

Allir keppendur hafa aðgang að hjúkrunarfræðingi ef á þarf að halda. Allir keppendur fá frítt í sund í Hveragerði en sundlaugin í Laugaskarði er rómuð bæði fyrir staðsetningu, byggingastíl og heita vatnið sem beinlínis sprettur þar uppúr jörðinni. Eftir keppni er keppendum boðið í mat.

Tímatökubúnaður verður notaður og allir hlauparar hlaupa með tímatökuflögur. Þá hafa allir þátttakendur sem hefja hlaup tækifæri á að detta í lukkupottinn og fá brautarvinninga. Hverjir þá fá verður tilkynnt þegar viðkomandi kemur í mark. Allir þátttakendur fá þátttökumedalíur, þannig að allir fá eitthvað til minningar um þátttökuna í þessu mikla afrekshlaupi.

Reglur í Hengil Ultra Trail má finna hér.

Dagskrá 2026

Afhending gagna:
Miðvikudagur 3. júní, Reykjavík
Kl. 16:00-18:00 Afhending gagna í versluninni Útilíf, Skeifan 11d, 108 Reykjavík
Kl. 17:00 Brautarfundur og hlauparakvöld í Útilíf

Fimmtudagur 4. júní, Reykjavík
Kl. 12:00-18:00 Afhending gagna í versluninni Útilíf, Skeifan 11d, 108 Reykjavík

Föstudagur 5. júní, Reykjavík
Kl. 12:00-18:00 Afhending gagna í í versluninni Útilíf, Skeifan 11d, 108 Reykjavík

Laugardagur 6. júní Hveragerði
Kl. 07:00-13:30 Afhending gagna í Expó höllinni, íþróttahúsinu Hveragerði