KIA Gull í beinni útsendingu á MBL.IS
![KIA Gullhringurinn 2021](https://www.vikingamot.is/wp-content/uploads/2021/07/20200711-191957-2-MummiLu-1-1620x1080.jpg)
KIA Gullhringurinn verður í beinni útsendingu á Mbl.is og á Facebook síðu keppninnar. Útsending hefst klukkan 17:00 frá nýja miðbænum á Selfossi þar sem upphitunin fyrir keppnina verður þá hafin. Ræsingar í keppninni hefjast klukkan 18:00 og útsendingunni lýkur að lokinni verðlauna afhendingu.
Alls verða sex myndavélar í verkefninu. Þrjár vélar verða í brautinni fyrir framan fremstu flokka í hverri vegalengd og þrjár við mörk mótins, bæði tímamark og lokamark og á Brúartorginu þar sem allt fer fram í kringum mótið. Á miðbæjartorginu verður 15 fermetra LED skjár þar sem útsending verður sýnd og því missir enginn áhorfandi af neinu sem er að gerast í brautinni allan tímann. Vinir og aðdáendur geta fylgst með keppninni út um allan heim á mbl.is og geta allir séð nákvæmlega hvar fremstu þátttakendur eru í brautinni.