16 febrúar 2022
Þessi flokkur er einungis fyrir rafhjól og það verður tímataka.
-
Skráningargjald
Landsnet MTB 23 KM
Flokkur 1: Rafhjólaflokkur- sunnudagur 3. september 2023
- ræsing kl. 13:30
- eingöngu fyrir rafhjól
- tímataka
- skráningargjald : 6.900 kr.
Innifalið í mótsgjaldi er þátttökumedalía og matur og drykkur að keppni lokinni.
Fyrirvarar:
• Mótstjórn áskilur sér rétt á því að breyta brautinni fram að keppni.
• Mótstjórn áskilur sér einnig rétt til að stytta brautina ef veður eða aðrar aðstæður á keppnisdegi kalla á styttri keppni.
• Mótstjórn áskilur sér rétt á að breyta tímasetningu ef veður eða aðrar aðstæður á fyrirhuguðum keppnisdegi kalla á slíkt.
• Ákvarðanir um breytingar eru teknar með öryggi og upplifun þátttakenda að leiðarljósi. - Gögn
-
Leiðarlýsing
Flokkur 1 – Rafhjól og tímataka.
Landsnet MTB er ræst frá Skíðaskálanum í Hveradölum. Hjólað er upp á Hellisheiði sunnan við skálann en norðan við Þjóðveg nr. 1. Hjólað er um malarveg utan um Hveradalafjöllin og þaðan að Hengilsrótunum í norð- norðaustur. Þaðan er skutlast á malbik um nokkra tugi metra og hjólað inn á malar- og moldarslóða sem liggur að Skarðsmýri. Á því svæði rís slóðin einna hæst í brautinni án þess að hægt sé að tala um mikinn bratta eða erfiðleika þar. Þá er komið niður Hengladalsá og að Fremstadal en þaðan er frjáls aðferð um árfarveginn. Síðan fer brautin um töluvert gamlan slóða niður í hraunið aftur og þaðan um kindastíga að undirgöngunum undir Hellisheiðarveg/Þjóðveg númer eitt. Haldið er áfram í suð-suðaustur að gamla þjóðveginum og þar er farið inn á gamla þjóðveginn og straujað þaðan beint strik í vestur eftir Hellisheiðinni en samtals er sá kafli um 4.5 km og nokkuð greiðfær malarvegur.
Þaðan er farið um undirgöng aftur en þá eru um 4 km eftir af brautinni og farið er inn á malbik í um 2 km slóða sem síðan tengist aftur við fyrstu 2 kílómetra brautarinnar og koma keppendur niður að markinu í Skíðaskálanum um sömu 2 km sem leiðin byrjaði á.
Þessi braut eru í þróun. Dagana fyrir keppni munum við skoða hana og brautar mæla, við munum hreinsa hana af stórgrýti og vinna aðeins við tengingar á milli vega yfir á slóða og frá slóðum á kindarstíga. En þetta er krefjandi braut þó hún sé ekki löng og telji ekki mikla heildar hækkun. Hún er aftur á móti stór skemmtileg og útsýnið frá hæstu punktum hennar er algjörlega einstakt þar sem sést nánast í 360 gráður um allt suðvestur land og meira til.
HELSTU TÖLUR
Heildarvegalengd: Um 23 kilómetrar
Byrjunarhæð: 366 metrar
Hæsti punktur: 473 metrar
Samtals hækkun: 262 metrar
Samtals lækkun: 262 metrar
