Matarvagnar og DJ Victor
Á laugardaginn verður dúndur hádegispartý í markinu hjá Garmin Eldslóðinni við Vífilsstaði í Garðabæ. Doctor Victor stendur vaktina á græjunum og heldur uppi stuðinu frá 11:30 til 13:00. Matarvagnar frá Reykjavík StreetFood verða á staðnum og það eru að sjálfsögðu allir velkomnir í pepp stemninguna þó þeir séu ekki að hlaupa. Skipuleggjendur hlaupsins hvetja fjölskyldu og vini hlaupara til að fjölmenna.
