Afhending gagna á morgun föstudag
Föstudaginn 12. september verða keppnisgögn afhent fyrir Garmin Eldslóðina sem haldin verður laugardagnn 13. september við Vífilsstaði. Afhending verður á morgun frá 12-18 í Útilíf, Skeifunni 11 í Reykjavík.
Um 550 manns eru skráð í Garmin Eldslóðina og er uppselt í 29k og 10k. Þannig að einungis eru sæti eftir í 5 kílómetra brautina. Þess má geta að Friðleifur Friðleifsson þjálfari íslenska landsliðsins í utanvegahlaupum hannaði glænýja 5k braut sem verður hlaupin í ár og segir hann brautina vera tæknilega krefjandi og pínu erfiða en um leið sé hún falleg og frábær hlaupaleið.
